Nouvelle marche des fiertés ce samedi à Bastia
Sabbatu in Bastia à parta si da trè ori in Piazza d’A’, cù una partenza privista à cinqui ori
par ghjunghja in Piazza San’Nicula’, si hà da fà a nova edizioni di « a marchja di i fiertà ».
U so fini hè di luttà contru a discriminazioni è di dà visibilità à i parsoni LGBTQIA+, in un cuntestu beddu dilicatu à liveddu internaziunali : da quand’iddu hè vultatu à u puteri, Donald Trump s’impegna à scaccià a pussibilità di difinì si altru chè omu o donna, è una legi indittata transfobica hè stata vutata in u Regnu Unitu, pà issu stessu sughjettu.
A marchja di Bastia hè difinita intersizziunali da i so urganisatori : a lutta contru à u razzismu ci hà da essa missa in risaltu, ma ancu u sustegnu à a Palistina.
In Corsica, à senta ni à l’ARCU, sò sempri prisenti i discriminazioni contru à parsoni LGBTQIA+.
Issa marchja di i fiertà, dendu li una visibilità, pudaria cuntribuì, à senta ni à l’Arcu, à una nurmalisazioni lla situazioni.
Steti à senta à Eva Lucchesi à nomu di l'ARCU.
Sur le même sujet
